അമ്പലപ്പുഴയിൽ കാറിടിച്ചു പരുക്കേറ്റ യുവാവ് മരിച്ചു

ആലപ്പുഴ∙ അമ്പലപ്പുഴയില്‍ കാറിടിച്ചു പരുക്കേറ്റ യുവാവ് മരിച്ചു. പുന്നപ്ര വടക്ക് പഞ്ചായത്ത് 15-ാം വാർഡ് വാടക്കൽ ഇടപ്പറമ്പിൽ മനോജ് (43) ആണ് മരിച്ചത്. ദേശീയ പാതയിൽ തൂക്കുകുളം ജംക്‌ഷനു സമീപം ഇന്ന് പുലർച്ചെ 3.30 ഓടെയായിരുന്നു അപകടം. സമീപത്തെ തട്ടുകടയിലേക്കു പോകുമ്പോൾ കാർ ഇടിക്കുകയായിരുന്നു.  സമീപവാസികൾ മനോജിനെ വണ്ടാനം മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരിച്ചു. പോസ്റ്റുമോർട്ടത്തിനു ശേഷം മൃതദേഹം സംസ്കരിച്ചു.