ബോധഗയയിലെത്തി ദലൈലാമയെ സന്ദർശിച്ച് ബിഹാർ ഉപമുഖ്യമന്ത്രി തേജസ്വി യാദവ്

പട്ന ∙ ബിഹാർ ഉപമുഖ്യമന്ത്രി തേജസ്വി യാദവ് ബോധഗയയിൽ ബുദ്ധമത ആത്മീയ നേതാവ് ദലൈലാമയെ സന്ദർശിച്ചു. രണ്ടാഴ്ചയായി ദലൈലാമ ബോധഗയയിലെ തിബറ്റൻ മഠത്തിലുണ്ട്. 

ബോധഗയയിലെ മഹാബോധി ക്ഷേത്രത്തിലും തേജസ്വി യാദവ് സന്ദർശനം നടത്തി. തീർഥാടകരുടെ എണ്ണം കൂടി വരുന്ന സാഹചര്യത്തിൽ നടപ്പാക്കുന്ന അടിസ്ഥാന സൗകര്യ വികസന പദ്ധതികൾ തേജസ്വി യാദവ് വിലയിരുത്തി. പഞ്ചനക്ഷത്ര ഹോട്ടലിനുള്ള സ്ഥലവും തേജസ്വി പരിശോധിച്ചു.