കെടിഡിസി ചെയർമാന് 3 രാജ്യങ്ങൾ സന്ദർശിക്കാൻ സർക്കാർ അനുമതി; തുക ബജറ്റ് വിഹിതത്തിൽനിന്ന്
Mail This Article
×
തിരുവനന്തപുരം∙ കേരള ടൂറിസം ഡെവലപ്മെന്റ് കോർപറേഷൻ (കെടിഡിസി) ചെയർമാനും സിപിഎം നേതാവുമായ പി.കെ.ശശിക്ക് രാജ്യാന്തര ട്രേഡ് ഫെയറിൽ പങ്കെടുക്കാൻ 3 രാജ്യങ്ങൾ സന്ദർശിക്കാൻ സർക്കാർ അനുമതി. സ്പെയിൻ, ഇറ്റലി, ഫ്രാൻസ് എന്നിവിടങ്ങളിൽ സന്ദർശനം നടത്താനാണ് അനുമതി. ജനുവരി 22 മുതൽ ഫെബ്രുവരി 11വരെയാണ് സന്ദർശനം. യാത്രയ്ക്കുള്ള തുക കെടിഡിസിയുടെ ബജറ്റ് വിഹിതത്തിൽനിന്ന് ചെലവഴിക്കും.
സ്പെയിനിലെ മാഡ്രിഡിൽ ജനുവരി 24 മുതൽ 28 വരെയാണ് ട്രേഡ് ഫെയറും ബിസിനസ് ടു ബിസിനസ് മീറ്റും. സ്പെയിനിലെ ബാർസലോണയിൽ 30നാണ് പരിപാടി. ഇറ്റലിയിലെ മിലാനിൽ ഫെബ്രുവരി ഒന്നിന്. ഫ്രാൻസിലെ പാരീസിൽ ഫെബ്രുവരി 6, 7 തീയതികളിലാണ് പരിപാടി. ടൂറിസം വകുപ്പിലെ ഉദ്യോഗസ്ഥരും വിദേശത്തേക്ക് പോകുന്നുണ്ട്. കേരള ടൂറിസത്തിന്റെ സാധ്യതകൾ വിദേശികളിലെത്തിക്കാനാണ് യാത്രയെന്ന് അധികൃതർ വ്യക്തമാക്കി.
English Summary:
Government allowed KTDC Chairman PK Sasi to visit 3 countries
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.