പിഡിപി നേതാവ് മെഹബൂബയുടെ കാർ അപകടത്തിൽപ്പെട്ടു; രക്ഷപ്പെട്ടത് തലനാരിഴയ്ക്ക്

ശ്രീനഗർ∙ പിഡിപി അധ്യക്ഷയും ജമ്മു കശ്മീർ മുൻമുഖ്യമന്ത്രിയുമായ മെഹബൂബ മുഫ്തിയുടെ കാർ അപകടത്തിൽപ്പെട്ടു. അനന്ത്നാഗ്  ജില്ലയിലാണ് സംഭവം. മെഹബൂബയും സുരക്ഷാ ഉദ്യോഗസ്ഥരും സഞ്ചരിച്ച കാറാണ് അപകടത്തിൽപ്പെട്ടത്. സുരക്ഷാ ചുമതലയിലുള്ള ഉദ്യോഗസ്ഥനു പരുക്കേറ്റു. 

മെഹബൂബ സഞ്ചരിച്ച കാർ മറ്റൊരു കാറുമായി സംഗം എന്ന സ്ഥലത്തുവച്ച് കൂട്ടിയിടിച്ചായിരുന്നു അപകടമെന്ന് പൊലീസ് അറിയിച്ചു.  ഖനബാലിൽ തീപിടിത്തത്തിൽ പരുക്കേറ്റവരെ കാണാൻ പോകുന്നതിനിടെയായിരുന്നു അപകടം . തലനാരിഴയ്ക്കാണു മെഹബൂബയും സുരക്ഷാ ഉദ്യോഗസ്ഥരും രക്ഷപ്പെട്ടത്.  മെഹബൂബയുടെ കാർ വലിയ അപകടത്തിൽപ്പെട്ടെന്നും ദൈവാനുഗ്രഹത്താൽ പരുക്കില്ലെന്നും മകൾ ഇൽതിജ എക്സ് പ്ലാറ്റ്ഫോമിൽ കുറിച്ചു.