വളാഞ്ചേരിയിൽ ശബരിമല തീർഥാടകർ സഞ്ചരിച്ച ടൂറിസ്റ്റ് ബസ് മരത്തില്‍ ഇടിച്ചു; നിരവധിപ്പേർക്ക് പരുക്ക്

വളാഞ്ചേരി (മലപ്പുറം) ∙ ദേശീയ പാത വട്ടപ്പാറ മേൽഭാഗത്ത് ശബരിമല തീർഥാടകർ സഞ്ചരിച്ച ടൂറിസ്റ്റ് ബസ് അപകടത്തിൽപ്പെട്ട് നിരവധിപ്പേർക്ക് പരുക്ക്. പഴയ സർക്കിൾ ഓഫീസിന് സമീപത്തുള്ള മരത്തിലേക്ക് ബസ് ഇടിച്ചുകയറുകയായിരുന്നു. ശബരിമലയിൽനിന്നും അയ്യപ്പ ഭക്തരുമായി താമരശ്ശേരിയിലേക്ക് തിരിച്ചുപോകുന്ന വാഹനമാണ് ചൊവ്വാഴ്ച രാവിലെ 7 ‌‌മണിയോടെ അപകടത്തിൽപ്പെട്ടത്. വാഹനത്തിന്റെ മുൻഭാഗം പൂർണ്ണമായും തകർന്നു. പരിക്കു പറ്റിയ 21 പേരെ വളാഞ്ചേരി നടക്കാവിലെ ആശുപത്രിയിലും 5 പേരെ കോട്ടക്കൽ മിംസ് ആശുപത്രിയിലും പ്രവേശിപ്പിച്ചു.