7 വർഷം മുൻപുണ്ടായ പരുക്ക്; ബോളിവുഡ് നടൻ സെയ്ഫ് അലിഖാന് ശസ്ത്രക്രിയ

മുംബൈ∙ ഏഴു വർഷം മുൻപ് സിനിമാ ചിത്രീകരണത്തിനിടെ കൈമുട്ടിനുണ്ടായ പരുക്കിനെത്തുടർന്ന് ബോളിവുഡ് നടൻ സെയ്ഫ് അലിഖാന് ശസ്ത്രക്രിയ. 2017ലാണ് പരുക്കേറ്റത്. ശസ്ത്രക്രിയയ്ക്കായി അദ്ദേഹത്തെ ഇന്നലെ മുംബൈയിലെ ആശുപത്രിയിൽ പ്രവേശിപ്പിച്ചെന്നാണ് റിപ്പോർട്ട്.

ഉടൻ തന്നെ ശസ്ത്രക്രിയയ്ക്ക് വിധേയനാകുമെന്നാണ് സൂചന. ഭാര്യയും നടിയുമായ കരീന കപൂർ ഖാനും സെയ്ഫ് അലിഖാനൊപ്പം ആശുപത്രിയിലുണ്ടെന്നാണ് വിവരം.