പിഡിപി ചെയർമാൻ അബ്ദുൽ നാസര്‍ മഅദനി ആശുപത്രിയിൽ

കൊച്ചി∙ പിഡിപി ചെയർമാൻ അബ്ദുൽ നാസര്‍ മഅദനിയെ ആരോഗ്യസ്ഥിതി വഷളായതിനെ തുടർന്ന് ആശുപത്രിയിൽ പ്രവേശിപ്പിച്ചു. എറണാകുളത്തെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിലാണ് മഅദനി. പുലര്‍ച്ചെ രണ്ടരയോടെ ശ്വാസതടസം നേരിട്ടതിനെ തുടര്‍ന്നാണ് പെട്ടെന്ന് ആശുപത്രിയില്‍ എത്തിച്ചത്. ഡോക്ടര്‍മാരുടെ വിദഗ്ധ സംഘം മഅദനിയെ പരിശോധിച്ചുവരുന്നു. 

ബെംഗളൂരു സ്ഫോടനക്കേസിലെ 31-ാം പ്രതിയായ മഅദനിക്ക് സുപ്രീം കോടതി ജാമ്യവ്യവസ്ഥയിൽ ഇളവ് അനുവദിച്ചതിനെ തുടർന്നാണ് കഴിഞ്ഞ വർഷം ജൂണിൽ കേരളത്തിലെത്തിയത്. തുടർന്ന് കൊല്ലം അൻവാർശേരിയിൽ എത്തി മാതാവിനെയും പിതാവിനെയും സന്ദർശിച്ചശേഷം ചികിത്സയ്ക്കായി എറണാകുളത്ത് താമസിക്കുകയായിരുന്നു.