ട്രെയിൻ യാത്രയ്‌ക്കിടെ അടുത്തിരുന്ന വിദേശവനിതയെ അപമാനിച്ചു; ആലപ്പുഴ ജില്ലാ ലോട്ടറി ഓഫിസർ അറസ്റ്റിൽ
Mail This Article
×
ആലപ്പുഴ∙ ട്രെയിൻ യാത്രക്കിടെ വിദേശവനിതയെ അപമാനിച്ച കേസിൽ ആലപ്പുഴ ജില്ലാ ലോട്ടറി ഓഫിസർ അറസ്റ്റിൽ. തിരുവനന്തപുരം സ്വദേശി പി.ക്രിസ്റ്റഫർ (55) ആണ് റെയിൽവേ പൊലീസിന്റെ പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. തിങ്കളാഴ്ച രാവിലെ തിരുവനന്തപുരം-കോഴിക്കോട് ജനശതാബ്ദി എക്സ്പ്രസിലാണ് സംഭവം നടന്നത്.
ട്രെയിനിൽ തൊട്ടടുത്തിരുന്ന വിദേശ വനിതയെയാണ് ക്രിസ്റ്റഫർ അപമാനിച്ചത്. ഇതേത്തുടർന്ന് ട്രെയിൻ എറണാകുളത്ത് എത്തിയപ്പോൾ റെയിൽവേ പൊലീസിൽ പരാതി നൽകുകയായിരുന്നു. ആലപ്പുഴ റെയിൽവേ സ്റ്റേഷൻ പരിധിയിലാണ് സംഭവം നടന്നതെന്ന് അന്വേഷണത്തിൽ വ്യക്തമായി. തുടർന്ന് റെയിൽവേ പൊലീസ് ക്രിസ്റ്റഫറിനെ അറസ്റ്റ് ചെയ്യുകയായിരുന്നു.
English Summary:
Alappuzha District Lottery Officer Detained for Misconduct with Foreign Traveler on Janasatabdi Express
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
