ഭർത്താവിനും മകനുമൊപ്പം വിനോദസഞ്ചാരത്തിന് മൂന്നാറിലെത്തി; 33കാരി റിസോർട്ടിൽ തൂങ്ങിമരിച്ച നിലയിൽ

മൂന്നാർ∙ ഭർത്താവിനും മകനുമൊപ്പം വിനോദസഞ്ചാരത്തിനെത്തിയ യുവതിയെ റിസോർട്ടിലെ ശുചിമുറിയിൽ തൂങ്ങിമരിച്ച നിലയിൽ കണ്ടെത്തി. പത്തനംതിട്ട കോന്നി വള്ളിക്കോട്ട് പൂവള്ളി പടിഞ്ഞാറേതിൽ ജ്യോതി (33) ആണു മരിച്ചത്.

Read Also: ആദ്യം തിരഞ്ഞപ്പോൾ കണ്ടില്ല, മുട്ടോളം മാത്രം വെള്ളമുള്ള തോട്ടിൽ പിറ്റേന്ന് മൃതദേഹം; അനുവിന്റെ മരണത്തിൽ ദുരൂഹത

ഇന്നു പുലർച്ചെ ഒരുമണിയോടെയാണു ജ്യോതിയും ഭർത്താവ് മനുവും മൂന്നു വയസ്സുള്ള മകനൊപ്പം പഴയ മൂന്നാറിലെ റിസോർട്ടിൽ മുറിയെടുത്തത്. രാവിലെ ശുചിമുറിയിൽ പോയ ജ്യോതി മടങ്ങിവരാൻ താമസിച്ചതോടെ മനു അന്വേഷിച്ചെത്തിയപ്പോളാണു മരിച്ചനിലയിൽ കണ്ടെത്തിയത്. മൂന്നാർ പൊലീസ് കേസെടുത്തു.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പർ - 1056, 0471- 2552056)