ഹ്യൂമർ സെൻസിന് ഒരു മാറ്റവുമില്ല! ശ്രീനിവാസനോട് ഹൈബി, വീട്ടിലെത്തി സന്ദർശിച്ചു - വിഡിയോ

കൊച്ചി∙ നടൻ ശ്രീനിവാസനെ വീട്ടിലെത്തി സന്ദർശിച്ച് എറണാകുളത്തെ യുഡിഎഫ് സ്ഥാനാർഥി ഹൈബി ഈഡൻ. കണ്ടനാട്ടെ ശ്രീനിവാസന്റെ വീട്ടില്‍ പ്രവർത്തകരോടൊപ്പമെത്തിയ ഹൈബി ഈഡൻ സ്നേഹാന്വേഷണങ്ങൾ നടത്തി കുറച്ചു സമയം ചിലവഴിച്ചാണു മടങ്ങിയത്.

നടന്റെ ആരോഗ്യത്തെക്കുറിച്ചും എംപി ചോദിച്ചറിഞ്ഞു.  കേട്ടുനിൽക്കുന്നവരിൽ ചിരിപടർത്തിയായിരുന്നു അതിനു ശ്രീനിവാസ‌ൻ മറുപടി നൽകിയത്. മിക്കവാറും ആശപത്രിയിലാണെന്നും ഒഴിവു കിട്ടുമ്പോൾ ഇങ്ങോട്ട് വരുമെന്നും ശ്രീനിവാസൻ പറഞ്ഞു. ഹ്യൂമർ സെൻസിന് മാത്രം ഒരു മാറ്റവുമില്ലന്നായിരുന്നു ഹൈബിയുടെ മറുപടി.

വടകരയിൽ മത്സസരിക്കുന്ന യുഡിഎഫ് സ്ഥാനാർഥി ഷാഫി പറമ്പലിനെ ധ്യാൻ ശ്രീനിവാസൻ കണ്ടിരുന്നെന്നു ഹൈബി പറഞ്ഞപ്പോൾ  അവനത്ര ബോധമൊക്കെ വന്നോ എന്നായിരുന്നു ശ്രീനിവാസന്റെ തമാശരൂപേണയുള്ള മറുപടി. എല്ലാ അനുഗ്രഹങ്ങളും ഉണ്ടാവണമെന്നു പറഞ്ഞു പിന്നാലെ ഹൈബി വീട്ടിൽനിന്നും മടങ്ങി.