ചിന്നക്കനാലിൽ ചക്കക്കൊമ്പൻ ഷെഡ് ആക്രമിച്ചു: സമീപവാസികൾ ബഹളംവച്ച് കാട്ടാനയെ തുരത്തി

ചിന്നക്കനാൽ∙ ഇടുക്കി ചിന്നക്കനാലിൽ ചക്കക്കൊമ്പന്റെ ആക്രമണം. 301 കോളനിക്ക് സമീപം വീടിന് സമീപത്തുള്ള ഷെഡ് കാട്ടാന ആക്രമിച്ചു. ഇന്നലെ രാത്രിയാണു സംഭവം. വയൽപ്പറമ്പിൽ ഐസക് എന്നയാളുടെ ഷെഡാണ് ആക്രമിച്ചത്. ആക്രമണത്തിൽ ഭാഗികമായി ഷെഡ് തകർന്നു. ചക്കക്കൊമ്പന്റെ ആക്രമണ സമയത്ത് ഷെഡിൽ ആളുണ്ടായിരുന്നില്ല.  സമീപവാസികൾ ബഹളംവച്ച് കാട്ടാനയെ തുരത്തുകയായിരുന്നു.