വായ്പാപരിധിയിൽനിന്ന് കേരളത്തിന് 3000 കോടി കടമെടുക്കാം; അനുമതി നൽകി കേന്ദ്ര സർക്കാർ

ന്യൂഡൽഹി∙ കേരളത്തിൽ വായ്പാ പരിധിയിൽനിന്നു 3000 കോടി രൂപ അധികം കടമെടുക്കാൻ കേന്ദ്രത്തിന്റ അനുമതി. 5000 കോടി രൂപയാണു കേരളം മുൻകൂറായി ആവശ്യപ്പെട്ടത്. എന്നാൽ കേരളത്തിന്റെ സാമ്പത്തിക ഘടകങ്ങൾ പരിശോധിച്ച് 3000 കോടിക്കുള്ള അനുമതി കേന്ദ്രം നൽകി. 

നടപ്പ് സാമ്പത്തിക വർഷത്തിൽ 37,512 കോടി രൂപയാണു സർക്കാരിനു കടമെടുക്കാൻ കഴിയുക. സർക്കാർ പദ്ധതിയിട്ടിരുന്ന മൊത്തം തുകയിൽനിന്ന് 7,016 കോടി രൂപ ഇതിൽ സർക്കാർ കുറവ് വരുത്തിയിരുന്നു.