കശ്മീരിൽ ഏറ്റുമുട്ടൽ, വെടിവയ്പ്: ഭീകരരെ വധിച്ച് പൊലീസ്

ശ്രീനഗർ∙ ജമ്മു കശ്മീരിലെ കുൽഗാം ജില്ലയിലുണ്ടായ ഏറ്റുമുട്ടലിൽ 2 ഭീകരരെ പൊലീസ് വധിച്ചു. സൈന്യവും ജമ്മു കശ്മീർ പൊലീസും സംയുക്തമായി നടത്തിയ ഓപ്പറേഷനിലാണു ഭീകരർ കൊല്ലപ്പെട്ടത്. പൊലീസും ഭീകരരും തമ്മിൽ വെടിവയ്പുണ്ടായി. 

2 മൃതദേഹങ്ങൾ കണ്ടെത്തിയിട്ടുണ്ടെന്നും തിരിച്ചറിയാൻ കഴിഞ്ഞിട്ടില്ലെന്നും പൊലീസ് അറിയിച്ചു. കശ്മീരിലെ പൂഞ്ചിൽ വ്യോമസേനയുടെ വാഹനവ്യൂഹത്തിനു നേരെ കഴിഞ്ഞ ദിവസം ഭീകരർ വെടിയുതിർത്തിരുന്നു. സംഭവത്തിൽ വ്യോമസേന ഉദ്യോഗസ്ഥൻ വീരമൃത്യു വരിക്കുകയും നാലു പേർക്ക് പരുക്കേൽക്കുകയും ചെയ്തു.