സോളർ സമരം അവസാനിപ്പിക്കാൻ ചർച്ച നടത്തിയില്ല; വാർത്തകൾ ഭാവന: ജോൺ ബ്രിട്ടാസ്

തിരുവനന്തപുരം ∙ സോളർ വിഷയത്തിൽ എൽഡിഎഫിന്റെ സെക്രട്ടേറിയറ്റ് വളയൽ സമരം അവസാനിപ്പിക്കാൻ സിപിഎം നേതാക്കളുടെ നിർദേശപ്രകാരം താൻ ഇടപെട്ടെന്ന വെളിപ്പെടുത്തൽ നിഷേധിച്ച് ജോൺ ബ്രിട്ടാസ് എംപി. ഇതു സംബന്ധിച്ച വാർത്തകൾ ഭാവനയാണെന്ന് മാധ്യമങ്ങളോടു ബ്രിട്ടാസ് പ്രതികരിച്ചു. സോളർ സമരം അവസാനിപ്പിക്കാൻ ഒരു ചർച്ചയും നടത്തിയിട്ടില്ല. കോൺഗ്രസിലെ ചില നേതാക്കളാണ് സമരം അവസാനിപ്പിക്കാൻ ഇടപെട്ടതെന്നും ബ്രിട്ടാസ് അവകാശപ്പെട്ടു.