എയർ ഇന്ത്യയ്ക്ക് വീണ്ടും സാങ്കേതിക തകരാർ; തിരുവനന്തപുരം–ഡൽഹി വിമാനം തിരിച്ചിറക്കി

തിരുവനന്തപുരം ∙ സാങ്കേതിക തകരാറിനെത്തുടർന്ന് തിരുവനന്തപുരം–ഡൽഹി എയർ ഇന്ത്യ വിമാനം തിരിച്ചിറക്കി. ശനിയാഴ്ച രാത്രി 7.20ന് തിരുവനന്തപുരത്തുനിന്ന് ഡൽഹിയിലേക്ക് പുറപ്പെട്ട വിമാനമാണ് അടിയന്തരമായി തിരിച്ചിറക്കിയത്.

വിമാനം പറന്നുയർന്ന് ഏതാനും സെക്കന്റുകൾക്കുള്ളിൽ തകരാർ ശ്രദ്ധയിൽപ്പെട്ട പൈലറ്റ് തിരുവനന്തപുരം വിമാനത്താവളത്തിൽത്തന്നെ വിമാനം തിരിച്ചറക്കി. വിമാനത്തിലുണ്ടായവരെല്ലാം സുരക്ഷിതരാണ്. യാത്രക്കാർക്ക് ഡൽഹിയിലേക്ക് പോകാൻ ബദൽ സൗകര്യങ്ങൾ ഒരുക്കുമെന്ന് എയർ ഇന്ത്യ അറിയിച്ചു.