എറണാകുളത്ത് ഹൈബീം; നിലംതൊടാതെ എൽഡിഎഫ്

കൊച്ചി∙ എറണാകുളം ലോക്സഭാ മണ്ഡലത്തിൽ ഹൈബി ഈഡൻ വമ്പൻ വിജയം. യുഡിഎഫ് കണക്കുക്കൂട്ടലുകളെയും തെറ്റിച്ച് 2,50,385 വോട്ടുകൾക്കാണ് ഹൈബി മണ്ഡലം പിടിച്ചത്. കഴിഞ്ഞ തവണ 1,69,153 വോട്ടുകളുടെ ഭൂരിപക്ഷമായിരുന്നു ഹൈബിക്ക് ഉണ്ടായിരുന്നത്. കഴിഞ്ഞ 5 വർഷത്തെ ഹൈബിയുടെ വികസനപ്രവർത്തനങ്ങൾക്ക് ജനം നൽകിയ വോട്ടാണ് വൻ വിജയമെന്നാണ് യുഡിഎഫ് നേതാക്കൾ പറയുന്നത്.

എതിർസ്ഥാനാർഥി കെ.ജെ.ഷൈൻ കാര്യമായ നേട്ടമുണ്ടാക്കാത്തത് എൽഡിഎഫ് ക്യാംപിന് ക്ഷീണമായി. പാർട്ടി ചിഹ്നത്തിൽ മത്സരിച്ചിട്ടും ഷൈനിക്ക് വിജയിക്കാനായില്ല. എൻഡിഎ സ്ഥാനാർഥി ഡോ. കെ.എസ്.രാധാകൃഷ്ണനും യുഡിഎഫ് ക്യാംപുകളിൽ വലിയ വിള്ളലുണ്ടാക്കാനായില്ല. 

ലോക്‌സഭാ തിരഞ്ഞെടുപ്പ് ഫലം തത്സമയം