‘ആരാണ് പോരാളി ഷാജി?; ഇടതുപക്ഷക്കാരനെങ്കിൽ ഒളിച്ചിരിക്കാതെ പുറത്തുവരണം’

കണ്ണൂർ ∙ സൈബർ ലോകത്തു വിമർശനമുയർത്തുന്ന ‘പോരാളി ഷാജി’ ഇടതുപക്ഷക്കാരനാണെങ്കിൽ മറനീക്കി പുറത്തുവരണമെന്നു സിപിഎം കണ്ണൂർ ജില്ലാ സെക്രട്ടറി എം.വി.ജയരാജൻ. പോരാളി ഷാജി എന്ന പേരിൽ പല സമൂഹമാധ്യമ ഗ്രൂപ്പുകളുണ്ട്. അതിൽ ഏതാണ് ഇടത് അനുഭാവമുള്ളത്, ഏതാണ് യുഡിഎഫ് പണംകൊടുത്ത് നിലനിർത്തുന്നത് എന്നറിയില്ലെന്നും ജയരാജൻ പറഞ്ഞു.

‘‘ഈ ഷാജി കണ്ണൂരുകാരനാണോ തൃശൂരുകാരനാണോ എന്നറിയില്ല. ആരായാലും ഒളിച്ചിരിക്കാതെ പുറത്തുവരണം. ഞാനാണ് യഥാർഥ പോരാളി ഷാജി എന്നു പറയാൻ ധൈര്യം കാണിക്കണം’’– ജയരാജൻ പറഞ്ഞു.