പെരുമ്പാവൂരിൽ കെട്ടിടത്തിനു മുകളിൽനിന്ന് വീണ് യുവാവു മരിച്ചു

പെരുമ്പാവൂർ∙ കെട്ടിടത്തിനു മുകളിൽനിന്നു വീണ് യുവാവു മരിച്ചു. കിഴക്കമ്പലം വിലങ്ങ് ഊരക്കാട് മാളിയേക്കൽ ജോൺസന്റെ മകൻ ലിയോ ജോൺസൺ (29) ആണ് മരിച്ചത്. പെരുമ്പാവൂർ ഭജനമഠത്തിനു സമീപമുള്ള മേഘ ആർക്കേഡിനു മുകളിൽനിന്ന് വീഴുകയായിരുന്നു. മേഘ ഗ്രൂപ്പ് കമ്പനിയുടെ ജീവനക്കാരനായിരുന്നു ഇദ്ദേഹം.

ചൊവ്വാഴ്ച പുലർച്ചയായിരുന്നു അപകടം. ലിയോ തിങ്കളാഴ്ച ഓഫിസിലാണ് താമസിച്ചിരുന്നത്. മൃതദേഹം പെരുമ്പാവൂർ താലൂക്ക് ആശുപത്രിയിൽ. പെരുമ്പാവൂർ പൊലീസ് അന്വേഷണം നടത്തുകയാണ്.