എതോ സ്ത്രീയുടെ പേരിൽ ഉമ്മൻ ചാണ്ടി ഒത്തിരി പഴികേട്ടു; ഞാൻ ഒന്നും പറഞ്ഞിട്ടില്ല: ജി.സുധാകരൻ

ആലപ്പുഴ∙ എതോ സ്ത്രീയുടെ പേരിൽ ഉമ്മൻ ചാണ്ടി ഒത്തിരി പഴികേട്ടെന്നും താൻ ഒരു വാക്കും ഉമ്മൻ ചാണ്ടിക്കെതിരെ പറഞ്ഞിട്ടില്ലെന്നും മുൻ മന്ത്രിയും സിപിഎം നേതാവുമായ ജി.സുധാകരൻ. പ്രതിപക്ഷത്തോടുള്ള ബഹുമാനം പ്രധാനമാണ്. പ്രതിപക്ഷത്തെ തെറി വിളിക്കുന്നതല്ല പാർട്ടി സ്നേഹമെന്നും ഉമ്മൻ ചാണ്ടി അനുസ്മരണ ചടങ്ങിൽ സുധാകരൻ പറഞ്ഞു.

‘‘രാഷ്ട്രീയ വിമര്‍ശനത്തിൽ ഒരു വിട്ടുവീഴ്ചയും ഞങ്ങളാരും കാണിച്ചിട്ടില്ല. പക്ഷേ ആക്ഷേപിക്കരുത്. ഏതോ ഒരു സ്ത്രീയുടെ പ്രശ്‌നത്തില്‍ ഉമ്മൻചാണ്ടിയെ ഒരുപാട് ആക്ഷേപിച്ചതാണ്. എന്റെ വായില്‍ നിന്നൊരു വാക്ക് ഞാനൊരിക്കലും പറഞ്ഞിട്ടില്ല. കാരണം എനിക്ക് വിശ്വാസമില്ല. അങ്ങനെ ചെയ്യുമെന്ന് നമുക്ക് ബോധ്യപ്പെടണ്ടേ.ഉമ്മൻ ചാണ്ടിക്കെതിരെ എന്തെല്ലാം എഴുതി. രാഷ്ട്രീയ പ്രവർത്തകന് മൗലികാവകാശം ഉണ്ട്.’’– ജി.സുധാകരൻ പറഞ്ഞു.