റിഫ്ലക്ടർ ഇല്ലാത്ത ലോറിയിലേക്ക് കാർ ഇടിച്ചുകയറി; 4 യുവാക്കൾ മരിച്ചു

ചെന്നൈ ∙ ഇരുട്ടിൽ നിർത്തിയിട്ടിരുന്ന ലോറിയിലേക്ക് കാർ ഇടിച്ചുകയറി കോയമ്പത്തൂർ സ്വദേശികളായ 4 യുവാക്കൾ മരിച്ചു. റിഫ്ലക്ടർ, ലൈറ്റ് എന്നിവ ഇല്ലാതെ ലോറി നിർത്തിയിട്ടതാണ് അപകടത്തിനു കാരണമായത്. കോവളത്തിനു സമീപം ഇസിആറിൽ ഇന്നലെ പുലർച്ചെയാണ് അപകടമുണ്ടായത്. കാർ അമിത വേഗത്തിലായിരുന്നെന്ന് പൊലീസ് പറയുന്നു. രാത്രി റോഡിന്റെ വശം ചേർന്ന് അനധികൃതമായി ലോറികൾ നിർത്തിയിടുന്നത് ഇവിടെ പതിവാണ്.