വീടിനു സമീപം റോഡരികിൽ നിൽക്കവേ ബൈക്കിടിച്ചു; ഗൃഹനാഥൻ മരിച്ചു

കൊയിലാണ്ടി∙ വീടിനു സമീപം റോഡരികിൽ നിൽക്കുകയായിരുന്ന ഗൃഹനാഥൻ ബൈക്കിടിച്ച് മരിച്ചു. മണമൽ വളാശ്ശേരിതാഴ (ഹരിതം) ദിനേശ് (മണി–56) ആണ് മരിച്ചത്. ഫുട്ബോൾ താരവും കരാട്ടെ അധ്യാപകനുമായിരുന്നു. 

ഇടിയുടെ ആഘാതത്തിൽ തെറിച്ചു പോയ ദിനേശിനെ ഏറെ നേരം കഴിഞ്ഞാണ് കാനയിൽ തലകീഴായി കിടക്കുന്നത് കണ്ടത്. ഉടനെ ഭാര്യയും നാട്ടുകാരും ചേർന്ന് താലൂക്ക് ആശുപത്രിയിൽ എത്തിച്ചെങ്കിലും മരിച്ചു. തിങ്കളാഴ്ച രാത്രി പത്തോടെയായിരുന്നു സംഭവം. ബൈക്ക് ഓടിച്ചിരുന്ന അയൽവാസി സംഗീതിനും പരുക്കുണ്ട്. ഭാര്യ: സംഗീത. മക്കൾ: അദ്രിനാഥ്, ആദിനാഥ്.