വീടിന് സമീപം നിൽക്കുമ്പോൾ ദേഹത്തേയ്ക്ക് വൈദ്യുത ലൈൻ പൊട്ടിവീണു; 56കാരിക്ക് ദാരുണാന്ത്യം

കണ്ണൂർ∙ വൈദ്യുത ലൈൻ ദേഹത്ത് പൊട്ടിവീണ് സ്ത്രീ മരിച്ചു. മലപ്പട്ടം തേക്കിൻകൂട്ടത്തെ കണ്ടമ്പേത്ത് തങ്കമണി (56) ആണ് മരിച്ചത്. ശനിയാഴ്ച ഉച്ചയ്ക്കായിരുന്നു സംഭവം. വീടിന് സമീപം നിൽക്കുകയായിരുന്ന തങ്കമണിയുടെ ദേഹത്തേക്ക് ലൈൻ പൊട്ടിവീഴുകയായിരുന്നു.

കഴുത്തിനാണ് ഷോക്കേറ്റത്. നാട്ടുകാർ മയ്യിലിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കണ്ണൂർ ഗവ. മെഡിക്കൽ കോളജ് മോർച്ചറിയിൽ. അവിവാഹിതയാണ്. സഹോദരി: രുദ്രാണി.