ദേശീയപാത നിർമാണത്തിനെടുത്ത കുഴിയിൽ വീണു; കൊടുങ്ങല്ലൂരിൽ ബൈക്ക് യാത്രക്കാരന് ദാരുണാന്ത്യം

തൃശൂർ∙ കൊടുങ്ങല്ലൂരിൽ ദേശീയപാത നിർമാണത്തിന്റെ ഭാഗമായി കുഴിച്ച കുഴിയിൽ വീണ് ബൈക്ക് യാത്രക്കാരൻ മരിച്ചു. അഴീക്കോട് ചുങ്കം പാലത്തിന് സമീപം താമസിക്കുന്ന നിഖിൽ ആന്റണി (24) ആണ് മരിച്ചത്. ചന്തപ്പുര- കോട്ടപ്പുറം ബൈപ്പാസിൽ ഗൗരിശങ്കർ ജംക്‌ഷന് സമീപം ഇന്നലെ രാത്രിയാണ് അപകടം നടന്നത്. 

നിർമാണം നടക്കുന്നത് അറിയാതെ ബൈക്ക് യാത്രികൻ കുഴിയിൽ വീഴുകയായിരുന്നു എന്നാണ് നിഗമനം. റോഡ് നിർമാണ തൊഴിലാളികളാണ് അപകടം ആദ്യം അറിഞ്ഞത്. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. പിതാവ്: ജോർജ് കുരിശിങ്കൽ, അമ്മ:ഡാലി, സഹോദരി:നീന ജോർജ്