‘സത്യസന്ധനായ ഉദ്യോഗസ്ഥനായിരുന്നു നവീൻ ബാബു; എന്ത് ഉത്തരവാദിത്തവും വിശ്വസിച്ചേൽപ്പിക്കാം’

പത്തനംതിട്ട∙ സത്യസന്ധനായ ഉദ്യോഗസ്ഥനായിരുന്നു നവീൻ ബാബുവെന്നും എന്ത് ഉത്തരവാദിത്തവും വിശ്വസിച്ച് ഏൽപ്പിക്കാവുന്ന ആളായിരുന്നെന്നും മന്ത്രി വീണാ ജോർജ്. അദ്ദേഹത്തിന്റെ കുടുംബവുമായി ഒരുപാട് വർഷത്തെ പരിചയമുണ്ട്.

2018, 2021 വർഷങ്ങളിലെ പ്രളയകാലത്തും കോവിഡ് മഹാമാരിയുടെ സമയത്തും അദ്ദേഹത്തിന്റെ സേവനം എടുത്തു പറയേണ്ടതാണ്. റവന്യൂ വിഭാഗത്തിലെ മികച്ച ഉദ്യോഗസ്ഥരിലൊരാളായിരുന്നു. നാടു മുഴുവനും അദ്ദേഹത്തിന്റെ വിയോഗത്തിൽ ദുഃഖത്തിലാണ്. സർക്കാർ ഈ വിഷയത്തിൽ സമഗ്രമായ അന്വേഷണം നടത്തുമെന്നും മന്ത്രി പറഞ്ഞു.