കശ്മീരിൽ ഭീകരാക്രമണം; 2 സൈനികർക്ക് വീരമൃത്യു, 2 പോർട്ടർമാരും കൊല്ലപ്പെട്ടു

ശ്രീനഗർ∙ ബാരാമുള്ളയിലെ ബൂട്ടാപത്രിയിൽ സൈനികരും ഭീകരരും തമ്മിലുണ്ടായ ഏറ്റുമുട്ടലിൽ രണ്ട് സൈനികർക്ക് വീരമൃത്യു.  2 ചുമട്ടുതൊഴിലാളികളും കൊല്ലപ്പെട്ടു. ഭീകരരും സൈന്യവും തമ്മിൽ വെടിവയ്പ്പ് നടന്നതായി ഇന്ത്യൻ ആർമി ഔദ്യോഗിക എക്‌സ് പേജിൽ സ്ഥിരീകരിച്ചു. ഭീകരാക്രമണത്തിൽ മൂന്ന് പേർക്ക് പരുക്കേറ്റിട്ടുണ്ട്. ഇന്ന് വൈകുന്നേരത്തോടെ ബൂട്ടാപത്രിയിൽ സൈനിക വാഹനത്തിന് നേരെ ഭീകരാക്രമണം നടന്നത്. 

ഗന്ദേർബാലിൽ തൊഴിലാളി ക്യാംപിന് നേർക്ക് ഭീകരർ വെടിയുതിർത്തതിന് പിന്നാലെയാണ് കശ്മീർ താഴ്‌വരയെ ഭീതിയിലാക്കി മറ്റൊരു ഭീകരാക്രമണം കൂടി സംഭവിച്ചിരിക്കുന്നത്.