ആര്യ രാജേന്ദ്രനെതിരായ കേസ്; കോടതി മേൽനോട്ടം ആവശ്യപ്പെട്ട് ഡ്രൈവർ യദുവിന്റെ ഹർജി, ഉത്തരവ് ബുധനാഴ്ച

തിരുവനന്തപുരം∙ കെഎസ്ആര്‍ടിസി ഡ്രൈവര്‍ യദുവിന്റെ പരാതിയില്‍ മേയര്‍ ആര്യ രാജേന്ദ്രനെതിരെ റജിസ്റ്റർ ചെയ്ത കേസിൽ കോടതി മേൽനോട്ടം ആവശ്യപ്പെട്ട് സമർപ്പിച്ച ഹർജിയിൽ ഉത്തരവ് ബുധനാഴ്ച. പൊലീസ് അന്വേഷണം തൃപ്തികരമാണെന്നും പ്രാഥമിക ഘട്ടത്തിൽ നടത്തുന്ന അന്വേഷണം ശരിയായ ദിശയിലാണെന്നും കോടതി വിലയിരുത്തിയിരുന്നു. 

കേസ് ശരിയായ ദിശയിൽ മുന്നോട്ടു പോകണമെങ്കിൽ കോടതിയുടെ മേൽനോട്ടം അനിവാര്യം ആണെന്നാണ് യദുവിന്റെ വാദം. മൂന്നു മാസം കൂടുമ്പോൾ അന്വേഷണ പുരോഗതി റിപ്പോർട്ട് കോടതിയിൽ ഹാജരാക്കണമെന്ന നിർദേശം കോടതി നൽകണമെന്നും യദുവിന്റെ അഭിഭാഷകൻ അശോക്. പി. നായർ ആവശ്യപ്പെട്ടു. തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയാണ് ഹർജി പരിഗണിക്കുന്നത്.