‘നിർണായക തീരുമാനങ്ങൾ എടുക്കുമ്പോൾ ജനറൽ സെക്രട്ടറിയുടെ അനുഗ്രഹം’: സന്ദീപ് വാരിയർ എൻഎസ്എസ് ആസ്ഥാനത്ത്

ചങ്ങനാശേരി∙ ബിജെപി വിട്ട് കോൺഗ്രസ് പാർട്ടിയിൽ ചേർന്ന സന്ദീപ് വാരിയർ പെരുന്ന എൻഎസ്എസ് ആസ്ഥാനത്തെത്തി ജി. സുകുമാരൻ നായരെ സന്ദർശിച്ചു. ചൊവ്വാഴ്ച വൈകിട്ടായിരുന്നു സന്ദർശനം. രാഷ്ട്രീയ ജീവിതത്തിലെ നിർണായക തീരുമാനങ്ങൾ എടുക്കുമ്പോൾ ജനറൽ സെക്രട്ടറിയുടെ അനുഗ്രഹം തേടിയിട്ടുണ്ടെന്നും ഇത്തവണയും തീരുമാനങ്ങൾ എടുക്കുന്നതിനു മുൻപ് അനുഗ്രഹം തേടിയിരുന്നതായും സന്ദീപ് വാരിയർ ഫെയ്സ്ബുക്കിൽ കുറിച്ചു.