നാവികസേനാ കപ്പൽ മീൻപിടിത്ത ബോട്ടിൽ ഇടിച്ച് അപകടം; 2 പേരെ കാണാതായി, തിരച്ചിൽ

പനജി∙ നാവികസേന കപ്പൽ മീൻപിടിത്ത ബോട്ടിൽ ഇടിച്ച് അപകടം. ഗോവൻ തീരത്തുനിന്ന് 70 നോട്ടിക്കൽ മൈൽ അകലെയാണു സംഭവം. മീൻപിടിത്ത ബോട്ടായ മാർത്തോമ്മയുമായാണ് നാവികസേനാ കപ്പൽ കൂട്ടിയിടിച്ചത്. 

അപകടസമയത്ത് മത്സ്യബന്ധന ബോട്ടിൽ 13 ജീവനക്കാരാണ് ഉണ്ടായിരുന്നത്. ഇവരിൽ 11 പേരെ രക്ഷിച്ചു. കാണാതായ രണ്ടു പേർക്കു വേണ്ടിയുള്ള തിരച്ചിൽ നടക്കുകയാണ്. സേനയുടെ കപ്പലുകളും വിമാനങ്ങളും ഉൾപ്പെടെ രക്ഷാപ്രവർത്തനം നടത്തുന്നുണ്ട്.