ഹിന്ദു ആത്മീയ നേതാവ് ചിന്മയ് കൃഷ്ണദാസിന്റെ അറസ്റ്റിനെ അപലപിച്ച് ഷെയ്ഖ് ഹസീന

ന്യൂഡൽഹി∙ ഹിന്ദു ആത്മീയ നേതാവ് ചിന്മയ് കൃഷ്ണദാസിന്റെ അറസ്റ്റിനെ അപലപിച്ച് ബംഗ്ലദേശ് മുൻ പ്രധാനമന്ത്രി ഷെയ്ഖ് ഹസീന. അറസ്റ്റ് അനീതിയാണ്. അദ്ദേഹത്തെ ഉടൻ വിട്ടയ്ക്കണം. എല്ലാ സമുദായങ്ങളിലെയും ആളുകളുടെ മതസ്വാതന്ത്ര്യവും ജീവനും സ്വത്തിനും സുരക്ഷയും ഉറപ്പാക്കേണ്ടതുണ്ടെന്നും ഹസീന പറഞ്ഞു. 

ബംഗ്ലദേശിൽ ഹിന്ദുക്കൾക്കെതിരായ അതിക്രമങ്ങൾക്കെതിരെ നിരവധി പ്രതിഷേധങ്ങൾക്ക് ചിന്മയ് കൃഷ്ണദാസ് നേതൃത്വം നൽകിയിരുന്നു. രാജ്യദ്രോഹം കുറ്റം ചുമത്തിയാണ് ഇസ്കോൺ അംഗം ചിന്മയ് കൃഷ്ണദാസിനെ ധാക്ക വിമാനത്താവളത്തിൽ നിന്നു അറസ്റ്റുചെയ്തത്.