‘ഇന്ത്യയുടെ ജനസംഖ്യ കുറയുന്നതിൽ ആശങ്ക; സമൂഹത്തെ നശിപ്പിക്കാൻ മറ്റ് ബാഹ്യശക്തികളുടെ ആവശ്യമില്ല’

മുംബൈ∙ ഇന്ത്യയുടെ ജനസംഖ്യ കുറയുന്നത് സമൂഹത്തെ ആശങ്കപ്പെടുത്തുന്നുവെന്ന് ആർഎസ്എസ് മേധാവി മോഹൻ ഭാഗവത്. ജനസംഖ്യ വളർച്ചനിരക്ക് 2.1ൽ താഴെയായാൽ സമൂഹത്തിന്റെ തകർച്ച ഉറപ്പാണെന്നും സമൂഹത്തെ നശിപ്പിക്കാൻ മറ്റ് ബാഹ്യശക്തികളുടെ ആവശ്യമില്ലെന്നും മോഹൻ ഭാഗവത് പറഞ്ഞു.

ജനസംഖ്യ വളർച്ചനിരക്ക് 2.1ൽ താഴെയായാൽ ആ സമൂഹം ഇല്ലാതാകുമെന്നാണ് ശാസ്ത്രം വിശ്വസിക്കുന്നത്. നിരവധി ഭാഷകളും സമൂഹവും ഇക്കാരണത്താൽ അവസാനിച്ചു. കുട്ടികൾ രണ്ടോ അതിലധികമോ വേണം, അത് മൂന്നാണ്. അതിജീവനത്തിന് ഈ സംഖ്യ അത്യാവശ്യമാണ്. ഒരു സമുദായത്തിൽ ജനസംഖ്യ കുറഞ്ഞാൽ ആ സമുദായം ഇല്ലാതാകുമെന്നും അദ്ദേഹം ഓർമിപ്പിച്ചു.