എലത്തൂരിൽ വീണ്ടും ഡീസൽ ചോർച്ചയെന്ന് നാട്ടുകാർ; 2000 ലീറ്റർ പ്ലാന്റിലേക്കു മാറ്റിയെന്ന് എച്ച്പിസിഎൽ

എലത്തൂർ ∙ ഹിന്ദുസ്ഥാൻ പെട്രോളിയം പ്ലാന്റിൽ (എച്ച്പിസിഎൽ) നിന്നു വീണ്ടും ഇന്ധന ചോർച്ചയെന്നു നാട്ടുകാർ. സമീപത്തെ അഴുക്കുചാലിലേക്ക് ഇന്നും ഡീസൽ ഒഴുകിയെത്തുന്നതായി നാട്ടുകാർ പറഞ്ഞു. പ്രശ്നം പൂർണമായി പരിഹരിച്ചെന്നാണ് എച്ച്പിസിഎലിന്റെ നിലപാട്. 2000 ലീറ്ററിലേറെ ഡീസൽ പ്ലാന്റിലേക്കു മാറ്റിയെന്ന് എച്ച്പിസിഎൽ അറിയിച്ചു.

ഫറോക്ക് ഐഒസിയിൽനിന്നു രാത്രി 12 മണിയോടെ എത്തിയ അഗ്നിരക്ഷാസേനയും ടെക്നിക്കൽ സംഘവുമാണു മെഷീനുകളുടെ സഹായത്തോടെ ടാങ്കറിലും ബാരലിലേക്കും ഇന്ധനം മാറ്റി പ്ലാന്റിലേക്കു കൊണ്ടുപോയത്. ബാരലുകൾ പ്ലാന്റിൽ ഇല്ലാത്തതിനാൽ ഡീസൽ ശേഖരിക്കുന്നതു വൈകിയിരുന്നു. ടാങ്കർ ലോറി എത്തിച്ചാണു പരിഹരിച്ചത്. എറണാകുളത്തെ പ്ലാന്റിൽനിന്നു പത്തോളം ബാരലുകൾ പുലർച്ചെ ഒരു മണിയോടെ എത്തിച്ചു.