കുട്ടികൾ കാർ സ്റ്റാർ‌ട്ടാക്കി; ചാടിക്കയറിയ ആൾ തെറിച്ചു വീണു, മതിലിലേക്ക് ഇടിച്ചുകയറി– വിഡിയോ

ഒറ്റപ്പാലം (പാലക്കാട്)∙ രക്ഷിതാക്കൾ നിർത്തിയിട്ട കാർ കുട്ടികൾ സ്റ്റാർട്ട് ചെയ്തതിനു പിന്നാലെ മതിലിലേക്ക് ഇടിച്ചു കയറി. ഈസ്റ്റ് ഒറ്റപ്പാലത്തു ബേക്കറിക്കു മുന്നിലായിരുന്നു സംഭവം. രക്ഷിതാക്കൾ ബേക്കറിയിലേക്കു പോയ സമയത്താണ് കുട്ടികൾ കാർ സ്റ്റാർട്ട് ചെയ്തത്. പിന്നാലെ കാർ മുന്നിലേക്കു കുതിച്ചു. 

റോഡ് കുറുകെ കടന്ന കാർ അപ്പുറത്തെ മതിലിൽ ഇടിച്ചാണു നിന്നത്. ഓടിക്കൊണ്ടിരുന്ന കാറിലേക്ക് ചാടിക്കയറി എൻജിൻ ഓഫ് ചെയ്യാൻ ശ്രമിച്ചയാൾ റോഡിലേക്കു തെറിച്ചു വീണു. ആർക്കും പരുക്കില്ല. കാറിന്റെ മുൻഭാഗം തകർന്നു. സംഭവം നടന്നപ്പോൾ റോഡിൽ തിരക്കില്ലാത്തത് വലിയ അപകടം ഒഴിവാക്കി.