അസ്ട്രാസെനക വാക്സീൻ സുരക്ഷിതം: ഇഎംഎ

ലണ്ടൻ ∙ ഓക്സ്ഫഡ്–അസ്ട്രാസെനക വാക്സീൻ കുത്തിവച്ച ഏതാനും പേരിൽ രക്തം കട്ടപിടിച്ചതിന് വാക്സിനേഷനുമായി ഒരു ബന്ധവുമില്ലെന്നു യൂറോപ്യൻ മെഡിസിൻസ് ഏജൻസി (ഇഎംഎ) സ്ഥിരീകരിച്ചു. വാക്സീൻ സുരക്ഷിതവും ഫലപ്രദവുമാണെന്നും അതിന്റെ ഗുണഫലങ്ങൾ പാർശ്വഫലങ്ങളെക്കാൾ വലുതാണെന്നും വിദഗ്ധ പഠനത്തിന്റെ അടിസ്ഥാനത്തിൽ ഇഎംഎ വ്യക്തമാക്കി. കുത്തിവയ്പ് നിർത്തിവച്ചിരിക്കുന്ന 13 യൂറോപ്യൻ രാജ്യങ്ങൾക്കു വിതരണം പുനഃരാരംഭിക്കാൻ ആത്മവിശ്വാസം നൽകുന്നതാണ് ഉറപ്പ്.

Content Highlights: Astrazeneca vaccine is safe EMA