വനിത ഗുപ്ത യുഎസ് അസോ. അറ്റോർണി ജനറൽ

വാഷിങ്ടൻ ∙ ഇന്ത്യൻ വംശജ വനിത ഗുപ്തയെ (46) അസോഷ്യേറ്റ് അറ്റോർണി ജനറലായി യുഎസ് സെനറ്റ് തിരഞ്ഞെടുത്തു. നീതിന്യായ വിഭാഗത്തിലെ മൂന്നാമത്തെ വലിയ പദവിയിൽ വെള്ളക്കാരല്ലാത്ത ഒരാൾ വരുന്നത് ഇതാദ്യമാണ്. 51–49 ആണ് സെനറ്റിലെ വോട്ടിങ് നില. 

റിപ്പബ്ലിക്കൻ പാർട്ടിയിലെ ലിസ മർക്കോസ്കി മറുഭാഗത്ത് വോട്ട് ചെയ്തതാണ് വനിതയുടെ ജയം അനായാസമാക്കിയത്. സെനറ്റിൽ റിപ്പബ്ലിക്കൻ, ഡമോക്രാറ്റ് പാർട്ടികൾക്ക് 50 അംഗങ്ങൾ വീതമുള്ളതിനാൽ തുല്യനില വന്നാ‍ൽ വോട്ട് ചെയ്യാൻ വൈസ് പ്രസിഡന്റ് കമല ഹാരിസ് എത്തിയിരുന്നു.