ദക്ഷിണാഫ്രിക്കയുടെ പാർലമെന്റിൽ തീപിടിത്തം

കേപ് ടൗൺ ∙ ദക്ഷിണാഫ്രിക്കയുടെ പാർലമെന്റ് മന്ദിര സമുച്ചയത്തിലുണ്ടായ തീപിടിത്തത്തിൽ പഴയ അസംബ്ലി മന്ദിരത്തിന്റെ മൂന്നാം നില പൂർണമായും കത്തിനശിച്ചു. ആർക്കും പരുക്കില്ല. ‌ഇന്നലെ രാവിലെയാണ് ദേശീയ അസംബ്ലി സമുച്ചയത്തിന്റെ ഒരു ഭാഗത്തു നിന്നു പുക ഉയരുന്നതു കണ്ടത്.

ഉച്ചയോടെ പഴയ അസംബ്ലി മന്ദിരത്തിന്റെ മൂന്നാം നില കത്തിയമർന്ന് മേൽക്കൂര നിലംപതിച്ചിരുന്നു. ഓഫിസുകൾ പ്രവർത്തിക്കുന്ന ഭാഗമാണിത്. പൊലീസ് ഒരാളെ കസ്റ്റഡിയിലെടുത്തു. 1884ൽ നിർമിച്ചതടക്കമുള്ള പുരാതന കെട്ടിടങ്ങൾ സമുച്ചയത്തിലുണ്ട്. തീപിടിത്തത്തിന്റെ കാരണം അറിവായിട്ടില്ല.

English Summary: Fire burns South Africa's Parliament building in Cape Town