‘മെയ്ക് ഇൻ ഇന്ത്യ’: മോദിയെ പുട്ടിൻ പ്രശംസിച്ചു

മോസ്കോ ∙ ആഭ്യന്തര വ്യവസായങ്ങളെ പ്രോത്സാഹിപ്പിക്കുന്നതിന് ഇന്ത്യ ആരംഭിച്ച ‘മെയ്ക് ഇൻ ഇന്ത്യ’ സംരംഭം അനുകരണീയമെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ പറഞ്ഞു. ഇന്ത്യയിൽ 2014 ൽ പ്രധാനമന്ത്രി നരേന്ദ്ര മോദി തുടക്കം കുറിച്ച ഈ സംരംഭം വൻ വിജയമായിരുന്നുവെന്നും ഉൽപാദനമേഖലയ്ക്ക് വൻ കുതിപ്പേകിയ ഇതു മറ്റു രാജ്യങ്ങൾക്ക് മാതൃകയാക്കാമെന്നും വ്ലാഡിവോസ്റ്റോക് നഗരത്തിൽ എട്ടാമത് ഈസ്റ്റേൺ ഇക്കണോമിക് ഫോറം സമ്മേളനത്തിൽ പുട്ടിൻ പറഞ്ഞു. 

ഡൽഹിയിൽ നടന്ന ജി20 ഉച്ചകോടിയിൽ തുടക്കമിട്ട ഇന്ത്യ– മധ്യേഷ്യ സാമ്പത്തിക ഇടനാഴി (ഐഎംഇസി) റഷ്യയ്ക്ക് ഗുണകരമാണെന്നും മേഖലയുടെയാകെ വികസനത്തിന് സഹായിക്കുമെന്നും പുട്ടിൻ പറഞ്ഞു. റഷ്യ–ചൈന പദ്ധതികൾക്ക് ഇതു ഭീഷണിയാകില്ലെന്നും അദ്ദേഹം പറഞ്ഞു.

English Summary: Putin about Make in India