അഫ്ഗാനിസ്ഥാനിൽ വീണ്ടും ‌ഭൂചലനം; മരണം

ഇസ്​ലാമാബാദ്∙ അഫ്ഗാനിസ്ഥാനിലെ ഹെറാത്ത് പ്രവിശ്യയിൽ ഒരാഴ്ചയ്ക്കിടെ വീണ്ടും ശക്തമായ ഭൂചലനം. 6.3 തീവ്രത രേഖപ്പെടുത്തിയ ഭൂചലനത്തിൽ  4 പേർ കൊല്ലപ്പെടുകയും 153 പേർക്കു പരുക്കേൽക്കുകയും ചെയ്തതായി സന്നദ്ധ സംഘടനയായ സേവ് ദ് ചിൽഡ്രൻ അറിയിച്ചു. ഒട്ടേറെ ഗ്രാമങ്ങൾ തകർന്നതായും വിവരമുണ്ട്. കഴിഞ്ഞ 7ന്  ഇതേ പ്രവിശ്യയിലുണ്ടായ ഭൂകമ്പത്തിൽ രണ്ടായിരത്തിലേറെ ആളുകൾ കൊല്ലപ്പെട്ടിരുന്നു. 

ഡൽഹിയിലും ഭൂചലനം

ന്യൂഡൽഹി∙ ദേശീയ തലസ്ഥാന േമഖലയിലെ ഫരീദാബാദിൽ 3.1 തീവ്രത രേഖപ്പെടുത്തിയ ഭൂചലനം. 4.08നാണ് ഭൂചലനമുണ്ടായതെന്ന് നാഷനൽ സെന്റർ ഫോർ സീസ്മോളജി അറിയിച്ചു. ഫരീദാബാദിൽ നിന്ന് 9 കിലോമീറ്റർ കിഴക്കു ഭാഗത്തും ഡൽഹിയിൽ നിന്ന് 30 കിലോമീറ്റർ തെക്ക് കിഴക്കുമായാണു പ്രഭവകേന്ദ്രം. ഈ മാസം ആദ്യവും ഡൽഹിയിൽ  ഭൂചലനം അനുഭവപ്പെട്ടിരുന്നു. അന്നു നേപ്പാളായിരുന്നു പ്രഭവ കേന്ദ്രം.