യുഎസിൽ തന്നെ എച്ച് 1 ബി വീസ: വൈറ്റ് ഹൗസ് അനുമതിയുമായി

വാഷിങ്ടൻ ∙ എച്ച് 1 ബി വീസയുള്ള യോഗ്യരായ അപേക്ഷകർക്ക് യുഎസിൽ തന്നെ അതു പുതുക്കുന്നതിനുള്ള പരീക്ഷണാടിസ്ഥാനത്തിലുള്ള പദ്ധതിയുടെ പുനഃപരിശോധനാ റിപ്പോർട്ട് വൈറ്റ്ഹൗസ് ഉന്നത സമിതി അംഗീകരിച്ചു. ഇന്ത്യക്കാരുൾപ്പെടെയുള്ള ഐടി പ്രഫഷനലുകൾക്ക് ഏറെ പ്രയോജനകരമായ പദ്ധതിയാണിത്. മറ്റു രാജ്യത്തു പോകാതെ എച്ച് 1 ബി വീസ പുതുക്കുന്നതിനുള്ള പദ്ധതിയിൽ 20,000 പേർക്കാണ് തുടക്കത്തിൽ പ്രയോജനം ലഭിക്കുക. ജൂണിൽ പ്രധാനമന്ത്രി നരേന്ദ്ര മോദി യുഎസ് സന്ദർശിച്ചപ്പോൾ സംയുക്ത പ്രസ്താവനയിൽ പ്രഖ്യാപിച്ച പദ്ധതിയാണിത്.