മിറർ ഗ്രൂപ്പിനെതിരെ ഹാരി രാജകുമാരന്റെ കേസ് ഒത്തുതീർപ്പായി

ലണ്ടൻ ∙ പത്രപ്രസാധകരായ മിറർ ഗ്രൂപ്പിനെതിരെ ഹാരി രാജകുമാരൻ നൽകിയ ഫോൺ ചോർത്തൽ – അപകീർത്തിക്കേസുകളിൽ ശേഷിക്കുന്നവ കോടതിക്കു പുറത്ത് ഒത്തുതീർപ്പായി. ഹാരിക്കുണ്ടായ കോടതിച്ചെലവും കൂട്ടി 4 ലക്ഷം പൗണ്ട് (4 കോടിയിലേറെ രൂപ) ഇടക്കാല തുകയായി പത്ര ഉടമകൾ നൽകും. 

ഡെയ്‌ലി മിറർ, സൺഡേ മിറർ, സൺഡേ പീപ്പിൾ എന്നീ ടാബ്ലോയ്ഡ് പത്രങ്ങളുടെ പ്രസാധകരായ മിറർ ഗ്രൂപ്പിനെതിരെ 148 ലേഖനങ്ങളുടെ പേരിലാണ് ഹാരി കേസു കൊടുത്തത്. ഇതിൽ 33 ലേഖനങ്ങളിൽ 15 എണ്ണത്തിൽ 1.4 പൗണ്ട് (1.48 കോടി രൂപ) നഷ്ടപരിഹാരം നിർദേശിച്ച് കഴിഞ്ഞ ഡിസംബറിൽ ഹാരിക്ക് അനുകൂല വിധി വന്നിരുന്നു.