ഫോട്ടോയിലെ എഡിറ്റിങ് പാളി; ക്ഷമ ചോദിച്ച് കെയ്റ്റ്

ലണ്ടൻ ∙ ആരോഗ്യത്തെക്കുറിച്ചുള്ള അഭ്യൂഹങ്ങൾ അവസാനിപ്പിക്കാൻ ഉദ്ദേശിച്ചു പുറത്തുവിട്ട ഫോട്ടോയിലെ എഡിറ്റിങ് ആശയക്കുഴപ്പത്തിന് കാരണമായതിൽ, ബ്രിട്ടനിലെ വില്യം രാജകുമാരന്റെ ഭാര്യ കെയ്റ്റ് ക്ഷമാപണം നടത്തി. ബ്രിട്ടനിൽ മാതൃദിനം ആഘോഷിക്കുന്നതിന്റെ ഭാഗമായി ഞായറാഴ്ചയാണു മക്കൾക്കൊപ്പമുള്ള ഫോട്ടോ രാജകുടുംബം പുറത്തുവിട്ടത്. ഈ ഫോട്ടോയിൽ കുട്ടികളുടെ ഉടുപ്പിന്റെയും കയ്യിന്റെയും ഭാഗത്തു കെയ്റ്റ് നടത്തിയ എഡിറ്റിങ്ങാണു സംശയത്തിനിടയാക്കിയത്.

2 മാസം മുൻപു വയറിൽ നടത്തിയ ശസ്ത്രക്രിയ കാരണം കെയ്റ്റിന്റെ ആരോഗ്യത്തെപ്പറ്റി പല അഭ്യൂഹങ്ങളും പ്രചരിച്ചിരുന്നു. ഇത്തരം പ്രചാരണങ്ങൾ തടയുകകൂടി ലക്ഷ്യമിട്ടാണു ചിത്രം പുറത്തുവിട്ടത്. എന്നാൽ, എഡിങ്ങിനെത്തുടർന്നു കൃത്രിമമാണോയെന്നു സംശയിച്ചു പ്രമുഖ വാർത്താ ഏജൻസികളെല്ലാം ചിത്രം പിൻവലിച്ചു.