മേഖലയിലെ ആയുധ നിയന്ത്രണം:‌ പാക്ക് പ്രമേയത്തെ എതിർത്ത് ഇന്ത്യ

ന്യൂയോർക്ക് ∙ മേഖലയിലും ആഗോളതലത്തിലും സമാധാനവും സുരക്ഷയും ഉറപ്പാക്കുന്നതിൽ പരമ്പരാഗത ആയുധങ്ങളുടെ നിയന്ത്രണം വഹിക്കുന്ന പങ്ക് എടുത്തുകാട്ടുന്ന പാക്ക് പ്രമേയത്തിനു കിട്ടിയ ഏക എതിർവോട്ട് ഇന്ത്യയുടേത്. നിരായുധീകരണവുമായി ബന്ധപ്പെട്ടു പ്രവർത്തിക്കുന്ന യുഎൻ പൊതുസഭയുടെ ഫസ്റ്റ് കമ്മിറ്റിക്കു മുൻപാകെ വച്ച പ്രമേയത്തെ 176 അംഗങ്ങൾ അനുകൂലിച്ചപ്പോൾ, വോട്ടെടുപ്പിൽനിന്ന് ഇസ്രയേൽ വിട്ടുനിന്നു. മേഖല, ഉപമേഖലാതലങ്ങളിലെ ആയുധ നിയന്ത്രണം സംബന്ധിച്ച് പാക്കിസ്ഥാനും സിറിയയും ചേർന്നാണ് പ്രമേയം കൊണ്ടുവന്നത്.