മാലി പ്രധാനമന്ത്രിയെ പട്ടാളം പുറത്താക്കി

ബമാക്കോ ∙ പശ്ചിമ ആഫ്രിക്കൻ രാജ്യമായ മാലിയിലെ പട്ടാള ഭരണകൂടത്തെ വിമർശിച്ചതിന് പ്രധാനമന്ത്രി ഷൊഗുൽ മെയ്ഗയെ പുറത്താക്കി. 2020 ൽ ഭരണം പിടിച്ച പട്ടാളം 2022 ലാണ് മെയ്ഗയെ പ്രധാനമന്ത്രിയായി നിയമിച്ചത്. 2024 ൽ രാജ്യത്ത് ജനകീയഭരണം തിരിച്ചുകൊണ്ടുവരുമെന്ന് അന്ന് പട്ടാളനേതൃത്വം പ്രഖ്യാപിച്ചിരുന്നു. അതു പാലിക്കാതിരുന്നതിനെ മെയ്ഗ വിമർശിച്ചതാണ് പ്രശ്നമായത്. സൈനിക വക്താവായിരുന്ന അബ്ദുല്ല മെയ്ഗയെ പുതിയ പ്രധാനമന്ത്രിയായി നിയമിച്ചു.