ഗാസയിൽ 10 പലസ്തീൻകാർ കൊല്ലപ്പെട്ടു

ജറുസലം ∙ ഗാസ സിറ്റിയിൽ അഭയകേന്ദ്രമായ സ്കൂളിൽ ഇസ്രയേൽ നടത്തിയ ബോംബാക്രമണത്തിൽ 10 പേർ കൊല്ലപ്പെട്ടു. ഗാസയിലെ ജനങ്ങൾക്ക് അടിയന്തര സഹായമെത്തിക്കാൻ ഇസ്രയേൽ അവസരമൊരുക്കണമെന്ന്  ജി7 വിദേശകാര്യമന്ത്രിമാരുടെ ഇറ്റലിയിൽ നടന്ന സമ്മേളനം ആവശ്യപ്പെട്ടു. എന്നാൽ, അതിക്രമങ്ങളുടെ പേരിൽ ഇസ്രയേൽ പ്രധാനമന്ത്രി നെതന്യാഹുവിനെതിരെ രാജ്യാന്തര ക്രിമിനൽ കോടതി (ഐസിസി) പുറപ്പെടുവിച്ച അറസ്റ്റ് വാറന്റ് നടപ്പാക്കുന്നതിനെപ്പറ്റി ജി7 പ്രസ്താവനയിൽ പരാമർശമില്ല. വിഷയത്തിൽ വികസിത രാജ്യങ്ങൾക്കിടയിൽ അഭിപ്രായ ഐക്യം ഉണ്ടാകാതിരുന്നതുമൂലമാണിത്. അതേസമയം, തെക്കൻ ഇസ്രയേലിൽ 2023 ഒക്ടോബറിൽ ഹമാസ് നടത്തിയ കടന്നാക്രമണം തടയാൻ കഴിയാത്തതിന് ഉത്തരവാദി ബെന്യാമിൻ നെതന്യാഹു ഉൾപ്പെടെ ഭരണനേതൃത്വമാണെന്ന് സ്വതന്ത്ര അന്വേഷണ കമ്മിഷൻ കുറ്റപ്പെടുത്തി.