മിസ് യൂണിവേഴ്സ് പട്ടം നേടുമോ എറിക റോബിൻ? ‘നാടിന്റെ സൗന്ദര്യം ലോകം കാണട്ടെ, ആര്‍ക്കാണ് പേടി?’; വെല്ലുവിളിക്കുന്ന കറാച്ചിക്കാരി

സ്ത്രീകളെ നിയന്ത്രിക്കുന്ന യാഥാസ്ഥിതിക സമൂഹം, പലപ്പോഴും പട്ടാള ഭരണം, അട്ടിമറി, ദാരിദ്ര്യം, ഭീകര സംഘടനകളും അവയുടെ ആക്രമണങ്ങളും തുടങ്ങി പാക്കിസ്ഥാനെ ലോക ചർച്ചയിലെത്തിക്കുന്ന ഒട്ടേറെ വിഷയങ്ങളുണ്ട്. എന്നാൽ ഇവയിൽ നിന്നു വ്യത്യസ്തമായൊരു വാർത്തയാണ് അടുത്തിടെ രാജ്യാന്തര സമൂഹം പാക്കിസ്ഥാനിൽ നിന്നു കേട്ടത്. ലോക സുന്ദരിയാകാൻ പാക്കിസ്ഥാനിൽ നിന്നൊരാൾ മത്സരിക്കുന്നു; എറിക്ക റോബിൻ. മിസ് യൂണിവേഴ്സ് മത്സരത്തിന്റെ 72 വർഷത്തെ ചരിത്രത്തിൽ പാക്കിസ്ഥാനിൽ നിന്ന് ആരും മത്സരിച്ചിട്ടില്ല. അതുകൊണ്ടു തന്നെ എറിക്കയ്ക്കെതിരെ മത, സാമൂഹിക, രാഷ്ട്രീയ മേഖലകളിൽ എതിർപ്പും ഉയർന്നിട്ടുണ്ട്. ആരാണ് എറിക്ക റോബിൻ? എന്താണ് ഇപ്പോൾ ഉണ്ടായിരിക്കുന്ന വിവാദങ്ങൾക്ക് പിന്നിൽ?