500 കോടി മുടക്കി, 1000 കോടി ഇപ്പോഴേ ഉറപ്പിച്ചു: 'പുഷ്പ'യ്ക്കൊപ്പം വീണ്ടും സമാന്ത? അല്ലുവും ഫഫായും വേറെ ലെവൽ
![Allu Arjun Allu Arjun](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
സംഗീതസംവിധായകൻ ദേവിശ്രീപ്രസാദ് ‘പുഷ്പ’ എന്ന ഒരൊറ്റ വാക്ക് ഉപയോഗിച്ച് സൗത്ത് ഇന്ത്യയെ പാട്ടിലൂടെ ആളിക്കത്തിക്കുകയാണ്. ഒറ്റക്കാലിൽ കിടിലൻ ഡാൻസ്സ്റ്റെപ്പുമായി അല്ലു അർജുന്റെ തേരോട്ടം. ഇൻസ്റ്റയിലും യൂട്യൂബിലുമൊക്കെ പുഷ്പരാജിന്റെ അഴിഞ്ഞാട്ടം. അതെ... പുഷ്പ 2 വരികയാണ്. ഇതുവരെ പുറത്തിറങ്ങിയ ടീസറും പാട്ടും മാത്രം നോക്കിയാൽമതി; ഇതൊരൊന്നൊന്നര വരവായിരിക്കും. പുഷ്പയുടെ ആദ്യവരവ് തീയറ്ററിൽ പോയി കണ്ടവർക്ക് ആ ത്രിൽ ഇപ്പോഴും ഞെരമ്പുകളിലുണ്ടാവും. ഇതു പുഷ്പയുടെ ലോകമാണ്. തീയറ്ററിലെ ഇരുട്ടിലേക്ക് കാണികളായി ചെന്നിരിക്കുന്നവർ പുഷ്പയുടെ ലോകത്തിൽ അകപ്പെട്ടുപോവുകയായിരുന്നു. പുഷ്പയുടെ ആദ്യഭാഗം ‘പുഷ്പ–ദ റൈസിങ്ങി’ലെ ആ ഡയലോഗ് ഓർമയില്ലേ? ‘‘പുഷ്പ ആന്തേ ഫ്ലവർ അന്കുതിവാ..? ഫയർർർ... (പുഷ്പയെന്നാൽ ഫ്ലവറല്ലെടാ... ഫയർ...) ഓർമയില്ലെങ്കിൽ ഓർത്തുവച്ചോ. കൃത്യം മൂന്നു മാസം കഴിഞ്ഞ് ഇന്ത്യൻ സിനിമാലോകത്തെയൊന്നടങ്കം പുഷ്പരാജ് ഇളക്കിമറയ്ക്കുമ്പോൾ ഈ ഡയലോഗ് എടുത്തുവീശേണ്ടതാണ്. ! മൈത്രി മൂവി മേക്കേഴ്സ് നിർമിക്കുന്ന പുഷ്പ 2 ഓഗസ്റ്റ് 15നാണ് തീയറ്ററുകളിലെത്തുന്നത്. എന്തുകൊണ്ട് പുഷ്പ രണ്ടിനായി നമ്മൾ കാത്തിരിക്കണം? പല കാരണങ്ങളുമുണ്ട്. അവയിൽ ചിലത് ഇതാ: