റോഡു നിർമാണത്തിൽ ഇന്ത്യ ബഹുദൂരം മുന്നിൽ സഞ്ചരിക്കുകയാണിപ്പോൾ. 75 കിലോമീറ്റർ റോഡ് കേവലം 105 മണിക്കൂറും 35 മിനിറ്റുമെടുത്ത് നിർമ്മിച്ച് ലോകത്തിൽ ഏറ്റവും വേഗത്തിൽ റോഡ് നിർമാണം പൂർത്തിയാക്കിയ റെക്കോർഡ് ഇപ്പോൾ ഇന്ത്യയ്ക്ക് സ്വന്തം. എക്സ്പ്രസ് ഹൈവേകള്‍, ഗ്രീൻ ഫീൽഡ് റോഡുകൾ എന്നിവയുടെ നിർമാണത്തിൽ മിന്നൽ വേഗത കൈവരിച്ച രാജ്യത്ത് ബംഗാളിലെ ഒരു ഗ്രാമത്തിൽ നിർമ്മിച്ച വീതി കുറഞ്ഞ 350 മീറ്റർ റോഡാണ് ഇപ്പോൾ ചർച്ചയായിക്കൊണ്ടിരിക്കുന്നത്. പത്തും പതിനാറും വരി റോഡുകൾക്ക് ലഭിക്കുന്നതിനേക്കാൾ പ്രാധാന്യം ബംഗാളിലെ ഗ്രാമീണ റോഡിന് ലഭിക്കുന്നത് എന്തുകൊണ്ടാവും. കാരണം ഇങ്ങനെയൊരു റോഡ് ഇന്ത്യയിൽ ആദ്യമാണ്.