രാമനാഥൻ കൃഷ്‌ണനും രമേശ് കൃഷ്‌ണനും അമൃത്‌രാജ് സഹോദരന്മാർക്കും ശേഷം ടെന്നിസ് ഇന്ത്യയുടെ ജൈത്രയാത്രയ്‌ക്ക് ചുക്കാൻ പിടിച്ച ലിയാൻ‍ഡർ അഡ്രിയൻ പേസിന് നാളെ 50 വയസ്സിന്റെ തിളക്കം. മൂന്നു പതിറ്റാണ്ടു നീണ്ട കരിയറിലൂടെ ഇന്ത്യൻ ടെന്നിസിലെ നിത്യഹരിതനായകനായി വളർന്ന കഥയാണ് പേസിന്റേത്. കുതിപ്പും കിതപ്പും കണ്ട ജീവിതമായിരുന്നു അത്. കളിക്കളത്തിൽ എതിരാളികളോടായിരുന്നു പോരാട്ടമെങ്കിൽ ജീവിതത്തിൽ രോഗങ്ങളെ അതിജീവിച്ചത് പലകുറി. കളിക്കളത്തിൽ നിറഞ്ഞുനിൽക്കുമ്പോഴെല്ലാം ഇന്ത്യൻ ദേശീയതയുടെ പ്രതീകമായിരുന്നു പേസ്.