2018ൽ തുടങ്ങി നാലാം തവണയാണ് കേരളത്തിൽ നിപ്പ വീണ്ടും പ്രത്യക്ഷപ്പെട്ടത്. പ്രളയവും കോവിഡും അതിജീവിച്ചതുപോലെ സംസ്ഥാനം ഈ പ്രതിസന്ധിയും കടന്നുപോകുമെന്ന പ്രതീക്ഷയാണ് ആരോഗ്യ മേഖലയിലുള്ളവർ പങ്കുവയ്ക്കുന്നത്. എന്നാൽ ആവർത്തിക്കുന്ന രോഗങ്ങളെ പ്രതിരോധിക്കാനും ചികിത്സ–രോഗ നിർണയ സംവിധാനങ്ങൾ ശക്തിപ്പെടുത്താനും കേരളത്തിനു സാധിച്ചിട്ടുണ്ടോ? സംസ്ഥാനത്തെ ആരോഗ്യ മേഖല നേരിടുന്ന പ്രശ്നങ്ങൾ എന്തൊക്കെയാണ്? പരിഹാര നിർദേശങ്ങൾ എന്തൊക്കെയാണ്? ലോകാരോഗ്യ സംഘടനയുടെ മുൻ ഉദ്യോഗസ്ഥനും ഗ്ലോബൽ ഇൻസ്റ്റിറ്റ്യൂട്ട് ഓഫ് പബ്ലിക് ഹെൽത്തിലെ പൊതുജനാരോഗ്യ മേധാവിയുമായ ഡോ. എസ്.എസ്. ലാൽ മനോരമ ഓൺലൈൻ പ്രീമിയത്തോട് സംവദിക്കുന്നു.