ഇന്ത്യൻ രാജാവിനെ ‘കൊള്ളയടിച്ച’ റാണി സ്റ്റെല്ല; കൈ നിറയെ സ്വർണം, വജ്രം..; എവിടെ ഒളിപ്പിച്ചു കോടികളുടെ ആ സ്വത്ത്!

ഒരുപാടു പേരുടെ ഓർമകളുറങ്ങുന്ന ഒരിടമാണ് ഡൽഹി പൃഥ്വിരാജ് റോഡിലെ ക്രിസ്ത്യൻ സെമിത്തേരി. നിരന്നു കിടക്കുന്ന കല്ലറകൾക്കിടയിൽ മറവിയിലേക്കു മായാൻ മടിച്ചു നിൽക്കുന്ന തുരുത്തു പോലെ ഒറ്റയ്ക്കൊരു കുഴിമാടം. പൊട്ടിയടർന്നു തുടങ്ങിയ കോൺക്രീറ്റ് കല്ലറയ്ക്കു മുന്നിലെ നിറം മങ്ങിയ വെള്ള മാർബിളിൽ ഇങ്ങനെയെഴുതിയിരിക്കുന്നു: Stella of Mudge 1904–1984 a fable അതെ, അക്ഷരാർഥത്തിൽ ഒരു കെട്ടുകഥയായിരുന്നു സ്റ്റെല്ലയുടെ ജീവിതം.