ഈ മലയാളി ബൽജിയത്തിന്റെ 'മനക്കരുത്ത്'; ചെൽസിയിൽനിന്നു ചെറായിയിലേക്കു മടക്കം ലക്ഷ്യങ്ങളോടെ

ചെൽസിയിൽ നിന്ന് ചെറായിയിലേക്ക്. എറണാകുളം ജില്ലയിലെ ചെറായിയിൽ നിന്ന് ഹിമാലയത്തിലേക്കും അവിടെ നിന്ന് ദുബായിലേക്കും പിന്നീട് ബ്രിട്ടിഷ് പ്രീമിയർ ലീഗ് ഫുട്ബോൾ ക്ലബ് ആയ ചെൽസിയിലേക്കും ഒടുവിൽ ബൽജിയം ദേശീയ ഫുട്ബോൾ ടീമിലേക്കുമുള്ള യാത്രയ്ക്കൊടുവിൽ വിനയ് പി.മേനോൻ എന്ന 50 വയസ്സുകാരൻ സ്വയം വിശേഷിപ്പിക്കുന്നത്, ‘ഇത് വേരുകളിലേക്കുള്ള മടക്കം’ എന്നാണ്. 2009 മുതൽ 2022 വരെ നീണ്ട 13 വർഷം ചെൽസിയുടെ വെൽനെസ് കൺസൽറ്റന്റും മൈൻഡ് സ്ട്രാറ്റജിസ്റ്റുമായിരുന്നു വിനയ് മേനോൻ. പിന്നീട് ലോകകപ്പ് സമയത്ത് ബൽജിയം ദേശീയ ഫുട്ബോൾ ടീമിന്റെ വെൽനെസ് കോച്ച്.